14 myndir mánaðarins

Footloose

Dans/Tónlist

Nýr bær. Nýr strákur.

Ný áskorun.

Dans- og tónlistarmyndin klassíska Footloose hefur verið uppfærð fyrir nýja kynslóð og gefur fyrirmyndinni ekkert eftir í skemmtilegheitum og skemmtanagildi.

Eftir að hafa komist í kast við lögin einum of oft er vandræðagemsinn Ren McCormack sendur til frændfólks síns í smábænum Bomont.

Fimm árum áður höfðu nokkur ungmenni látist í bílslysi á leið frá dansleik sem haldinn var í bænum. Dauði þeirra hafði mikil áhrif á íbúa Bomont sem tóku sig til, fyrir tilstilli prestsins Shaws, og bönnuðu bæði rokktónlist og dans á öllum samkomum innan bæjarins.

Ren er hins vegar dansari og það kemur ekki til greina í hans huga að hætta þeirri iðkun. Hann ákveður því, ásamt nokkrum unglingum í bænum, að freista þess að afétta banninu og skapar sér með því óvild margra í bænum. Ofan í kaupið verður Ren ástfanginn af hinni gullfallegu Ariel, dóttur prestsins sem stóð fyrir banninu á sínum tíma.

Footloose er kjörin afþreying, uppfull af frábærri tónlist, ótrúlega fottum dansatriðum og uppreisnarseggjum sem allir geta haldið með.

Útgáfudagur: 8. mars

• Footloose kom upprunalega út árið 1984 og skartaði þeim Kevin Bacon og Lori Singer í hlutverkum Ren og Ariel.

• Hin unga og efnilega Julianne Hough, sem fer með hlutverk Ariel í Footloose , sló út stjörnur á borð við Hayden Panettiere, Amöndu Bynes og Miley Cyrus sem allar sóttust eftir hlutverkinu.

• Kenny Wormald, sem fer hlutverk Rens, byrjaði að að dansa fyrir alvöru aðeins sex ára gamall. Honum var komið í dansnám og í framhaldinu hefur hann unnið til ótalmargra verðlauna í danskeppnum um allan heim.

Veistu svarið?

Footloose inniheldur mörg þekkt lög enda varð platan úr myndinni gríðarlega vinsæl á sínum tíma og þegar samnefndur söngleikur var settur upp á Broadway í kjölfar myndarinnar hlaut tónlistin Grammy-verðlaunin. En hver samdi og syngur titillag myndarinnar?

Footloose

Aðalhlutverk: Kenny Wormald, Julianne Hough, Dennis Quaid, Ziah Colon, Ray McKinnon, Miles Teller og Andie McDowell

Leikstjórn: Craig Brewer Útgefandi: Samflm PUNKTAR ..............................................