27 myndir mánaðarins

Abduction

spenna

Hvað ef þú uppgötvaðir að líf þitt væri byggt á lygi?

Það er hinn tvítugi Taylor Lautner úr Twilight- myndunum sem fer með aðalhlutverkið í þessum nýja spennutrylli leikstjórans Johns Singleton.

Nathan Harper er ungur maður sem hefur lengi haft á tilfnningunni að það væri ekki allt með felldu í tilveru hans.

Þegar hann uppgötvar mynd af sjálfum sér á vefsíðu sem auglýsir eftir týndum börnum fær hann grun sinn staðfestan um að fólkið sem hann hefur hingað til talið foreldra sína séu það ekki í raun.

En um leið og hann fer að púsla saman sannleikanum um sjálfan sig og líf sitt er eins og hann haf opnað einhvers konar pandórubox og skyndilega er hann hundeltur af stórhættulegum mönnum sem vilja ekki að hann komist að sannleikanum.

Nathan hefur um ekkert annað að velja en að leggja á fótta með aðstoð einumanneskjunnar semhann getur treyst, nágrannakonu sinnar, Karenar. Hann áttar sig þó brátt á því að vilji hann komast lífs af úr þessum leik dugar ekkert minna en að ráðast beint inn í greni ljónsins ...

Útgáfudagur: 23. febrúar

• Leikkonan Lily Collins sem fer með hlutverk Karenar er dóttir hins þríkvænta tónlistarmanns Phil Collins og Andreu Bertorelli, annarrar eiginkonu hans.

• Leikstjóri Abduction , John Singleton, snýr hér aftur í leikstjóra-stólinn, sex árum eftir að hann gerði myndina Four Brothers

árið 2005 með Mark Wahlberg í aðalhlutverki. Áður hafði John m.a. gert myndirnar 2 Fast 2 Furious (2003), Baby Boy (2001),

Shaft (2000), Higher Learning (1993), Poetic Justice (1991) og hina mögnuðu frumraun sína, Boyz n the Hood (1990).

Veistu svarið?

Taylor Daniel Lautner, sem leikur aðalhlutverkið í

Abduction , hóf leikferilinn aðeins 7 ára að aldri þegar hann sóttist eftir að leika í Burger King-auglýsingu og smitaðist um leið af leiklistarbakteríunni. En hann er líka margfaldur meistari í ákveðinni íþróttagrein. Hvaða?

Abduction

Aðalhlutverk: Taylor Lautner, Lily Collins, Alfred Molina, Jason Isaacs, Sigourney Weaver og Maria Bello Leikstjórn: John

Singleton. Útgefandi: Myndform PUNKTAR ..............................................