Það verður ekki annað sagt að Michael Fassbender haf fangað athygli Hollywood seinustu ár, enda fádæma sjarmerandi leikari. Í X-Men: First Class tekur hann að sér hlutverk Erik Lehnsherr, betur þekktur sem Magneto, alræmdur leiðtogi hinna stökkbreyttu og hugsanlega sá öfugasti þeirra allra. Við ræddum við hann um að feta í fótspor Ian McKellen, innri baráttu persónunnar og það að beygja skeiðar...

HINN UNGI MAGNETO

Við eigum von á að sjá töluvert breyttan Erik en áður, í dag til að mynda ertu í svörtum rúllukragabol sem Bond í meðförum Connery væri stoltur af.

Ég held að James McAvoy (sem leikur Charles) hafi vonast eftir rúllukragabolum fyrir sína persónu en ég stal þeim að lokum. Svona hófst ósættið á milli þeirra. Þetta snýst allt um rúllukragaboli.

Samband þeirra Charles er óvenju flókið. Hvað heillaði þig við vináttu þeirra?

Sko, það eru atvik í teiknimyndasögunum eftir að þeir fara hvor sína leið, þar sem Charles biður Magneto um að sjá um hina stökkbreyttu og taka við sér sem kennari þeirra. Leiðir þeirra liggja saman oftar en einu sinni í sögunni. Þeir virða hvorn annan gífurlega. Þetta er eins og með Martin Luther King og Malcolm X. Báðir hafa raunverulegan málstað og góð rök fyrir sínum gerðum – rök Magneto eru reyndar mun betri en rök Charles! (Hlær)

En hugmyndafræði þeirra er svo gjörólík, hvað leiðir þá saman?

Ég veit það ekki! (Hlær) Stundum líkar þér bara við einhvern, þótt þú sért ósammála honum um allt. Þeir eru mjög líkir í raun. Ég held að Charles sé heildstæðari en Erik og Charles varpar ljósi á krafta Eriks sem hann vissi ekki sjálfur af. Eins og ég segi, þeir bera rosalega virðingu hvor fyrir öðrum og í grunninn líkar þeim vel við hvorn annan en aðstæður kalla á ósætti.

Hefur þú meðvitað reynt að vísa í túlkun Ian McKellen í þinni túlkun á persónunni?

Hvers? (hlær) Ó, þarna frábæra leikarans? Auðvitað, það er vottur af honum í minni túlkun, en ég reyni að koma með ferskan vinkil á persónuna, óháð hans frammistöðu. Hann er auðvitað frábær og erfitt að feta í fótspor hans. Þannig að ég ákvað að byrja bara frá byrjun og nota þær upplýsingar sem finnast í teiknimyndasögunum. En já, ég horfði á allar myndirnar og veitti honum sérstaka eftirtekt.

Hvernig sérð þú persónuna?

Erik hefur nokkuð til síns máls, manneskjan er ekki beint frábær skepna sem á skilið að vera hlúað að. Saga mannkyns er þakin eyðileggingu. Einhver sagði að ef maðurinn yrði útdauður þá myndi heimurinn blómstra en ef eitthvað skordýr dæi út þá myndi heimurinn leggjast af. Það er margt til í því. Magneto var í útrýmingarbúðum nasista, hann hefur séð hversu grimm mannskepnan getur verið. Hann hefur sitthvað til síns máls, ég meina, hinir stökkbreyttu eru næsta skrefið í þróunarkeðjunni, líkt og homo sapiens var næstur á eftir Neanderthalmanninum. Fyrir honum er eyðilegging mannkyns bara óhjákvæmilegur fórnarkostnaður svo að heimur hinna stökkbreyttu geti dafnað.

Varstu aðdáandi X-Men sagnanna áður en þú fékst þetta hlutverk?

Nei. Ég las aldrei teiknimyndasögur. Ég hafði séð eitthvað af myndunum en ekki allar. Fyrir mér er þetta nýr

heimur. Og ég er mjög spenntur að fá að vera hluti af honum. Á okkur hví lir mikil ábyrgð gagnvart aðdáendunum. Ég veit að þeir eru gallharðir aðdáendur og láta sig miklu skipta hvað verður um seríuna. Ég vil ekki bregðast þeim.

Erik er ekki orðinn að Magneto þegar hér kemur við sögu, eða hvað?

Hann er með ákveðnar hugmyndir, kenningar og efasemdir sem styrkjast undir lokin. Hans viðhorf eru mjög ígrundað og kenningarnar hans eru réttar og fá réttlætingu að lokum. Við fáum að sjá vegferð hans að því sem hann loks verður, þessi vera í skikkjunni með hjálminn.

Hefurðu klæðst henni?

Bara heima, einn. (Hlær)

Hvernig var hjálmurinn?

Hann lítur mjög vel út. Ég er mjög spenntur yfir að fá að fara í allan búninginn.

Þér mun finnast þú máttugur, eins og þú sért í raun Magneto sjálfur...

Jæja, ég hef setið í húsbí lnum mínum og reynt að beygja skeið síðastliðna tvo mánuði! (hlær) Þetta er að koma hjá mér. Ég er alltaf að reyna að ná tali af Uri Geller en hann hringir aldrei í mig tilbaka.

Þýðing: Kolbrún Björt Sigfúsdóttir.

43 myndir mánaðarins