17 myndir mánaðarins

14.apríl

Hush

Hjálpin er alls ekki á leiðinni

Spennutryllirinn Hush segir frá Zakes Abbott, en hann er að aka heim eftir þjóðveginum seint að kvöldi með kærustuna Beth sofandi í farþegasætinu. Þreytan veldur því að hann er næstum búinn að valda árekstri við hvítan vörubíl, en í kjölfarið sér hann nokkuð mjög svo skuggalegt: blóðuga konu sem er bundin föst í vörurými bílsins. Þetta gerist mjög snöggt og Zakes er ekki fullkomlega viss um hvað hann sá. Stuttu seinna stoppar hann á bensínstöð, en þegar Beth hverfur því sem næst sporlaust fer Zakes að leggja tvo og tvo saman. Hann kemur auga á vörubílinn og leggur upp í eftirför til að endurheimta kærustuna áður en það verður um seinan. En honum tekst ekki að sannfæra neinn um að hjálpa sér, og bílstjóri vörubílsins er síður en svo varnarlaus...

Punktar

• Ekki slökkva um leið og kreditlistinn byrjar að rúlla, því enn er ein sena eftir á þeim tímapunkti.

• Myndin var tekin upp og gerist í og kringum Yorkshire í Englandi, en fyrir nokkrum árum var vörubílstjóri nokkur handtekinn fyrir að myrða fjölda ungra kvenna, en margar þeirra voru vændiskonur.

SPENNA

Aðalhlutverk: William Ash, Christine Bottomley, Andreas Wisniewski, Claire Keelan, Stuart McQuarrie, Robbie Gee, Peter Wyatt, Sheila Reid, Shaun Dingwall

Leikstjóri: Mark Tonderai

Handrit: Mark Tonderai

Lengd: 91 mínútur

Útgefandi: Myndform

14.

apríl

Dóra landkönnuður 14

Go, Diego! Go! 3

Á fjórtánda disknum um Dóru og félaga eru fjórir þættir. Sá fyrsti, „Dóra átti lítið lamb“, segir frá því þegar Dóra og Klossi hoppa inn í stóru vögguvísubókina til að fnna lamb sem hefur týnst. Leiðin til að fnna það er svo í gegnum söng.

Í „Fastur í leðju“ festist ísbíllinn í leðju á leikvellinum, en Dóra og Klossi gera sitt besta til að hjálpa bílnum, svo allir krakkarnir fái nú ís. Í „Hærra!“ hjálpa Dóra og Klossi vini sínum, Rauða hananum, að komast upp á Háuhæð svo hann geti vakið sólina. Lokaþátturinn heitir „Vélmennið“, en í honum hittir Dóra vélmenni sem er ekki aðeins með fjölda verkfæra og ljósa, heldur er það með ofurkrafta! En þeir duga skammt þegar greyið ratar ekki heim til sín...

Ævintýrahuginn Diego er duglegur við að lenda í merkilegum og óvenjulegum aðstæðum, enda er hann bæði hugrakkur og útsjónarsamur. Á þessum þriðja safndiski er að fnna fjóra þætti um það sem á daga hans drífur. „Kapphlaup í skóginum“ segir frá kapphlaupi þar sem Diego keppir ásamt litlu beltisdýri, en á leiðinni þurfa þeir að varast bæði hindranir og gildrur. Í „Ferðinni að Jagúarfjalli“ ætlar Jagúar litli að sanna sig og hitta Diego og mömmu sína á toppnum á Jagúarfjalli, en leiðin er löng og ströng. Í seinustu tveimur þáttunum, „Gleraugnabirnirnir Chito og Rita“ og „Týndi úlfahvolpurinn“ nýtur Diego svo félagsskapar góðrar vinkonu sinnar, hinnar frægu Dóru landkönnuðar. Í báðum þáttum þurfa þau að hjálpa litlum dýrum, annars vegar litlum gleraugnabjörnum sem eru villtir og hins vegar að fnna nýgotinn úlfahvolp.

Punktar

Punktar

• Nú hafa alls 56 þættir um Dóru komið út á Íslandi, en það er enn af nógu að taka, því alls hafa verið gerðir yfr 120 þættir um ævintýri hennar, og þeir eru enn í framleiðslu.

• Ef þú ert á leið til Finnlands og langar að tala við innfædda um Dóru skaltu segja „Seikkailija Dora“ og allir munu vita um hvern þú ert að tala.

• Heimsókn Dóru til Diego er engin tilviljun, því Diego birtist fyrst sem aukapersóna í þáttunum um Dóru landkönnuð áður en hann fékk svo sína eigin þætti. Þættirnir um Dóru hófu göngu sína árið 2000, en árið 2005 var farið að gera sérstaka þætti um Diego.

• Jake T. Austin, sem talar fyrir Diego í enskri talsetningu þáttanna, er efnilegur leikari í Hollywood og hefur þegar leikið í myndum eins og Hotel for Dogs, The Perfect Game, Rio (sem verður frumsýnd í bíó nú í apríl) og New Year‘s Eve, sem verður frumsýnd seinna á árinu.

BARNAEFNI / ÞÆTTIR

BARNAEFNI / ÞÆTTIR

ÍSLENSKT TAL

Aðalhlutverk: Regan Mizrahi, Caitlin Sanchez, Jason Thornton, Eileen Galindo o.f.

Leikstjóri: Henry Madden, Gary Conrad o.f.

Handrit: Chris Gifford, Valerie Walsh o.f.

Lengd: 96 mínútur

Útgefandi: Myndform

ÍSLENSKT TAL

Aðalhlutverk: Jake T. Austin, Gabriela Aisenberg, Constanza Sperakis, Kathleen Herles, E. Austin Valentine, Rosie Perez

Leikstjóri: Katie McWane, Allan Jacobsen

Handrit: Ligiah Villalobos, Rosemary Contreras o.f.

Lengd: 96 mínútur

Útgefandi: Myndform

14.

apríl

14.

apríl

„Dóra átti lítið lamb“ og þrír aðrir þættir um Dóru og félaga

„Kapphlaup í skóginum“ og feiri þættir um Diego

VERÐLAUN

VERÐLAUN

VERÐLAUN

British Independent Film Awards 2008 1 tilnefning: Besta framleiðsluhönnun

Daytime Emmy Awards 2010 1 tilnefning: Framúrskarandi lag – „Nochuebuena Song“

Image Awards 2010

1 tilnefning: Framúrskarandi barnaþáttur

Dómar

*** Time Out 61/100 IMDb.com