Trúðar ósáttir við stiklu úr hrollvekjunni It

Tímaritið Mel Magazine tók á dögunum viðtal við nokkra atvinnutrúða, eftir að stiklan úr Stephen King hrollvekjunni It, sló í gegn á internetinu, og varð vinsælasta stiklan á YouTube á fyrsta degi sínum í sýningu.

Í ljós kom að trúðarnir voru ekki á eitt sáttir með stikluna, og telja að hún geti haft neikvæð áhrif á störf þeirra.

Þeir segja að myndin geri líklega ekki annað en að ýta enn undir hræðslu fólks og vaxandi hatur þess á trúðum. Atvinnutrúðurinn Nick Kane segir: “Við vorum rétt að jafna okkur á trúðafárinu í október í fyrra [þegar trúðar hrelltu fólk á götum úti ]. Hlutirnir voru að verða eðlilegir á ný, en þá kemur þessi stikla, og við segjum bara; jæja, þá byrjar það aftur.”

Von er á myndinni í bíó í september nk.

Sjáðu stikluna hér fyrir neðan: