Hvorum ætlar þú að halda með?

25. janúar 2016 12:45

faceÍ dag eru nákvæmlega tveir mánuðir þangað til tvær vinsælustu ofurhetjur DC comics heimsins mætast á hvíta tjaldinu, í myndinni Batman v Superman: Dawn of Justice.

Zack Snyder, leikstjóri myndarinnar, biður fólk í nýrri færslu á Twitter að velja hvorum þeirra menn ætla að halda með, í bardaganum sem er í vændum.

Warner Bros framleiðslufyrirtækið birti jafnframt nýtt plakat fyrir myndina í gær, en þar standa þeir Batman og Superman andspænis hvorum öðrum og horfast í augu. Undir er spurt: „Who Will Win?“ eða Hver mun hafa betur?

Í Batman v Superman: Dawn of Justice mun Batman, í túlkun Ben Affleck, mæta Superman, sem Henry Cavill leikur.  Cavill leikur nú Superman í annað sinn, en hann sást fyrst í því hlutverki í Man of Steel frá árinu 2013. Affleck þreytir hinsvegar frumraun sína í hlutverki Batman.

Aðrir helstu leikarar í myndinni eru Gal Gadot sem Wonder Woman, Jesse Eisenberg sem Lex Luthor og Jason Momoa sem Aquaman.

Myndin kemur í bíó 25. mars nk.

Stikk:

Tengdar fréttir

Default ThumbnailTitill á framhaldsmynd 'Man of Steel' opinberaður Default ThumbnailBatman v Superman frumsýnd fyrr Default ThumbnailMillennium Falcon í allri sinni dýrð Default ThumbnailSvona er Aquaman í Batman v Superman: Dawn of Justice! Default ThumbnailNý kitla: „Leðurblakan er dáin"