Tökur á Batman vs. Superman hefjast í Detroit í Bandaríkjunum á næstu vikum. Leikstjórinn Zack Snyder er byrjaður að gefa aðdáendum smá smjörþef af því sem er að gerast í undirbúningi fyrir myndina og birti hann mynd af nýja Batmanbílnum á Twitter í dag. Snyder skrifaði undir myndina „Tími komin til að taka tjaldið af… á morgun?“.
Bíllinn er þó að mestu leyti hulinn, en það má segja að hann sé reiðubúinn fyrir komandi átök.
Netverjar og aðdáendur Batman fóru hamförum í athugasemdum við myndina og sögðu nokkrir spekingar að bíllinn væri einhverskonar blanda af bílnum í Batman-mynd Tim Burton og úr þríleik Christopher Nolan.
Batman vs. Superman er áætluð í kvikmyndahús þann 6. maí, 2016.