Bryan Singer, leikstjóri X-Men: Days of Future Past, er duglegur að tísta frá tökustað myndarinnar. Nú síðast birti hann mynd af leikaranum Michael Fassbender í hlutverki Magneto, fljúgandi. Reyndar svindlar Fassbender aðeins eins og sést á myndinni, og stendur á palli.
Allt í kring sjáum við tökuliðið og undir myndina skrifar Singer „The Dark Knight Rises“ .
Í X-Men: Days of Future Past eru X-Mennirnir að berjast í tveimur tímabeltum við að reyna að hindra dimma, illa og kalda framtíð.
Ásamt Fassbender leika þau James McAvoy, Jennifer Lawrence, Peter Dinklage, Nicholas Hoult, Evan Peters, Patrick Stewart, Ian McKellen, Hugh Jackman, Ellen Page, Shawn Ashmore, Fan Bingbing, Anna Paquin og Daniel Cudmore í myndinni.
Frumsýning er áætluð 17. júlí á næsta ári.
