Singer: "Velkomin til 1973"

Tökur á kvikmyndinni X-Men: Days of Future Past standa yfir þessa stundina og er leikstjórinn Bryan Singer duglegur við að gefa aðdáendum hinna stökkbreyttu smá innlit við gerð myndarinnar.

Það ætlaði því allt um koll að keyra þegar Singer setti ljósmynd af Wolverine og Beast á samskiptarsíðuna Twitter frá tökustað myndarinnar. Þar má sjá Hugh Jackman og Nicholas Hoult í hlutverkum sínum í klæðnaði sem var í tísku á áttunda áratugnum og er áhugavert að sjá útlit Wolverine, sem stendur alltaf tímans tönn, miðað við Beast, sem er heldur unglegur á myndinni.

Singer skýrði ljósmyndina „Velkomin til 1973“ og ætti það að gefa áðdáendum hugmynd hvert Singer leiðir söguna og verður fróðlegt að fylgjast með framhaldinu.