Smith hreinsar nafn sitt

Will Smith mun leika aðalhlutverkið í spennutryllinum Bounty, sem Paramount kemur til með að framleiða.

willsmith

Myndin fjallar um mann sem er ranglega sakfelldur fyrir morð, en brýst út úr fangelsi til að reyna að hreinsa nafn sitt.  Það versnar í því fyrir hann þegar ekkja fórnarlambsins setur 10 milljónir Bandaríkjadala til höfuðs honum, handa hverjum þeim sem færir henni hann dauðan eða lifandi.

Enginn leikstjóri er kominn í spilið ennþá, og óvíst er hvenær tökur geta hafist.

Næst sést Will Smith í svikatryllinum Focus, sem kemur í bíó 27. febrúar nk. og þarnæst í Concussion sem kemur um næstu jól.

Í vor mun hann byrja að leika í mynd sem margir bíða spenntir eftir, ofurhetjumyndinni Suicide Squad, en þar leikur hann ofurhetjuna Deadshot.

Bounty er áætluð í bíó árið 2017.