Travolta ósáttur við frænku sína

Stórleikarinn John Travolta er allt annað en sáttur við frænku sína í nýju atriði úr nýjustu mynd sinni Life on the Line, sem kemur út á VOD og í takmarkaðri dreifingu í bíóhúsum í Bandaríkjunum í dag.

travolta

Í atriðinu sjáum við Beau, sem Travolta leikur, bregðast heldur illa við því þegar frænka hans, Bailey, sem Beau hefur alið upp eftir að bróðir hans féll frá, segir honum að hún sé ófrísk.  Og ekki nóg með það, heldur eru hún ófrísk eftir samstarfsmann þeirra beggja – mann sem Beau þolir ekki, en öll vinna þau við að raflínukerfi Bandaríkjanna.

Allt uppeldi Beau hefur miðast við að Bailey komi sér úr bænum og finni sér annað lífsviðurværi.  Faðir Bailey, og bróðir Beau, fékk raflost í vinnunni og dó, og Beau ætlar sér að tryggja að Bailey komist í háskóla og haldi sig fjarri þessum fjölskyldubissness.

En það er fleira sem þau frændsystkin þurfa að hafa áhyggjur af því að mikill og stórhættulegur stormur er í aðsigi.

Aðrir helstu leikarar eru Sharon Stone, Ryan Robbins, Julie Benz og Gil Bellows. David Hackl leikstýrir.

Kíktu á atriðið hér fyrir neðan, en það birtist fyrst hjá MovieWeb: 

Smelltu hér ef myndbandið spilast ekki.