Bardagavélmenni og Legó 2 í nýjum Myndum mánaðarins

Febrúarhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í febrúarmánuði, sem og nýjum myndum sem gefnar verða út á DVD, Blu-ray og/eða VOD í mánuðinum.

Á forsíðum blaðsins eru tvær spennandi en ólíkar kvikmyndir, sem margir hafa beðið eftir með mikilli eftirvæntingu – annarsvegar er það vísindaskáldsagan og ævintýramyndin Alita: Battle Angel, og hinsvegar er það teiknimyndin The Lego Movie2: The Second Part.

Alita kemur 14. febrúar en Legókallarnir koma föstudaginn 8. febrúar.

Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.

Smelltu hér til að lesa Myndir mánaðarins á kvikmyndir.is