Ný stikla: The Muppets

Það styttist í að Prúðuleikararnir fá að kitla hláturtaugar nýrra aðdáenda sem og þeirra gömlu, en í dag kom út síðasta stiklan fyrir myndina. Hingað til höfum við fengið skopstælingar af öðrum stiklum fyrir kvikmyndir á borð við The Girl With The Dragon Tattoo, Green Lantern og The Hangover; en þessi ákveðna stikla sýnir meira af myndinni sjálfri en fyrrnefndar stiklur.

Það er Jason Segel sem fer með aðalhutverk myndarinnar(fyrir utan Prúðuleikaranna) ásamt Amy Adams, en Segel skrifaði einnig handrit myndarinnar ásamt Nick Stoller og hefur lofað að færa áhorfendum sömu upprunalegu formúluna sem var til staðar í The Muppet Show(eins og sést í stiklunni). Hann hefur einnig líkt froskinum Kermit við sinn persónulega Tom Hanks.

Við sjáum í þessari stiklu einnig meira af nýjum viðbótunum í hóp Prúðuleikaranna og slatta af stórstjörnum(enda er myndin troðfull af þeim).

The Muppets – Stikla 2