Han Solo Star Wars myndin fær nafn

Nú þegar tökum er að ljúka á myndinni sem hingað til hefur verið kölluð Star Wars kvikmyndin um Hans Óla ( Han Solo ) sem er án titils, þá hefur leikstjórinn, Ron Howard, nú loksins ljóstrað upp leyndarmálinu mikla um hvað myndin á að heita.  Og svarið er: Solo: A Star Wars Story. 

Hér fyrir neðan má sjá Howard á Twitter að tilkynna um nafnið:

Alden Ehrenreich fer með hlutverkið sem Harrison Ford gerði ódauðlegt, en Ehrenreich leikur Solo þegar hann er ungur maður á þrítugsaldri. Aðrir helstu leikarar eru Donald Glover í hlutverki Lando Calrissian, sem Billy Dee Williams lék í upprunalega Star Wars þríleiknum. Einnig eru í myndinni þeir Joonas Suotamo, sem hefur tekið við hlutverki Chewbacca, eða Loðins eins og hann heitir á íslensku, úr höndum hins upprunalega leikara Peter Mayhew.

Þá leika leikkonurnar Thandie Newton og Emilia Clarke í myndinni ásamt Woody Harrelson.

Handrit skrifar höfundur The Empire Strikes Back og The Force Awakens, Lawrence Kasdan ,og sonur hans Jon Kasdan.

Solo: A Star Wars Story kemur í bíó 25. maí 2018.

Hér fyrir neðan má sjá stikluna úr Star Wars: The Last Jedi sem kemur í bíó nú um næstu jól: