Eftirfarandi er fréttatilkynning frá Sambíóunum:
Sambíóin Álfabakka flytja ykkur þær gleðifregnir að laugardaginn 15. okt. og sunnudaginn 16. okt. kl. 11:00 verða sérstakar barnasýningar á nýjustu mynd Bangsímonar og félaga.
Þetta er hugsað sem fyrsta bíóupplifunin fyrir yngstu börnin.
Þessar barnasýningar verða frábrugðnar hefðbundnum sýningum að því leyti að hljóðstyrkur verður ekki eins og gengur og gerist í bíó auk þess sem það verður ljóstýra í salnum mæðrum og börnum til halds og trausts.
Sambíóin byggja þetta á erlendri fyrirmynd og vonast til þess að þessi nýbreytni falli landanum vel í geð.
Vekja skal athygli á því að það er gert ráð fyrir starfsmanni inn í sal. Foreldrarnir ættu því að geta gert sér dagamun með yngstu börnunum sínum og skellt sér í bíó en miðaverði verður stillt í hóf sbr. sparbíó verðskrá mun gilda á þessar sýningar.
Hægt er að tryggja sér miða í miðasölum Sambíóanna og/eða á vefsíðu Sambíóanna – www.sambio.is