Iron Man 3 og Thor 2 í 3D – Ant-Man sýnd 2015

Þær fréttir voru að berast frá Marvel að búið sé að ákveða að bæði Iron Man 3 og Thor: The Dark World, sem verið er að taka nú um stundir hér á Íslandi, verði sýndar í þrívídd. Auk þess hefur verið ákveðinn frumsýningardagur fyrir nýja ofurhetjumynd, Ant-Man, eða Mauramaðurinn. Ant-Man verður frumsýnd 6. nóvember 2015.

Þessar fréttir voru í tilkynningu frá Walt Disney kvikmyndaverinu, en í tilkynningunni frá þeim kemur einnig fram að Phineas og Ferb kvikmyndinni, betur þekktir sem Finnbogi og Felix á íslensku, verður frestað um eitt ár, eða frá upphaflegri dagsetningu sem var 28. júlí og fram á sumarið 2014.

Saving Mr. Banks með Tom Hanks, sem segir söguna af gerð kvikmyndarinnar um Mary Poppins, verður frumsýnd 20. desember 2013, samkvæmt þessari sömu tilkynningu.