Renner boðið The Bourne Legacy

Vefsíðan Deadline segir nú frá því að leikaranum Jeremy Renner hefur verið boðið aðalhlutverkið í næstu Bourne-myndinni. Myndin mun fjalla um enn einn njósnarann sem sleppur úr svipuðum aðstæðum og þeim sem sköpuðu eðaltöffarann Jason Bourne. Eins og áður kom fram mun Matt Damon og persóna hans ekki snú aftur.

Þónokkrir leikarar hafa slegist um The Bourne Legacy, þar á meðal Garrett Hedlund og Luke Evans. Renner hlaut Óskarstilnefningar fyrir leik sinn í The Hurt Locker og The Town, en hann mun hafa nóg að gera á næstu árum enda mun hann einnig birtast í stórmyndinni The Avengers.