Mazzara skrifar forsögu The Shining

Framleiðandinn og handritshöfundurinn Glen Mazzara er að skrifa kvikmynd sem á gerast á undan sögusviði hinnar víðfrægu hrollvekju The Shining sem var leikstýrð af Stanley Kubrick og byggð á bók eftir Stephen King. Mazzara er að leggja lokahönd á handritið og er byrjaður að sanka að sér einvala liði framleiðanda til þess að hjálpa sér með undirbúninginn.

Kvikmyndin á að heita The Overlook Hotel og er það nafn hótelsins í The Shining og er því vitað mál að sögusviðið verði um leyndardóma hótelsins þar sem yfirnáttúrulegar verur eiga heimkynni.

King skrifaði aldrei forsögu að The Shining og hefur hann ekki brugðist við þessum fréttum á þessari stundu. King er hinsvegar að skrifa framhaldssögu The Shining og á hún að fjalla um Danny Torrance á fullorðinsárum.

Mazzara er hvað þekktastur fyrir að skrifa og framleiða sjónvarpsþættina The Walking Dead og eru þeir gríðavinsælir í Bandaríkjunum og víða.