Tom Cruise er hættur við að leika í endurgerð vestrans The Magnificent Seven. Enginn annar hefur verið orðaður við aðalhlutverkið í hans stað.
Kvikmyndaverið MGM hefur ákveðið að ráða John Lee Hancock til að slípa handritið til sem upphaflega var samið af Nic Pizzolatto. Þetta kom fram í frétt The Wrap.
The Magnificent Seven, sem er byggð á myndinni Seven Samurai, kom út árið 1960 með Steve McQueen, Yul Brynner og James Coburn í stórum hlutverkum.
Hún fjallar um þorpsbúa í Mexíkó sem ráða hóp byssubófa til að vernda þorpið þeirra fyrir bandítum.