Beit á jaxlinn í Atlanta

Liam Hemsworth, sem leikur eitt aðalhlutverkanna í framhaldi myndarinnar The Hunger Games, The Hunger Games: Catching Fire, slasaði sig við tökur á myndinni í í síðustu viku þegar hann sneri sig á hné.

Tökurnar fara fram í Atlanta í Bandaríkjunum.

Í samtali við USA Today sagðist leikarinn, sem er 22 ára, hafa haldið sínu striki og bitið á jaxlinn .“Ég snéri mig á hné. Ég reyndi að halda bara áfram að vinna. Það eru svo margir sem stóla á þig, og maður vill ekki láta svona hafa áhrif á allt í kringum sig.“

Í viðtalinu segir Hemsworth að persóna sín í myndinni, Gale, muni koma meira við sögu í framhaldinu en í fyrstu myndinni.

Tökum myndarinnar líkur í desember nk. og myndin er væntanleg í bíó 23. nóvember á næsta ári.