Í desember nk. kemur annar hlutinn í Hobbita þríleik Peters Jackson í bíó, The Hobbit: The Desolation of Smaug.
Fyrsta myndin, The Hobbit: An Unexpected Journey, sló í gegn um allan heim og þénaði yfir einn milljarð Bandaríkjadala á alheimsvísu.
Fyrsta stiklan úr The Desolation of Smaug kemur út á þriðjudaginn, en fyrsta plakatið kom út í dag og má sjá það hér fyrir neðan:
Eins og má sjá á plakatinu þá er Martin Freeman þarna einn á ferð í hlutverki Hobbitans Bilbo Baggins, horfandi í átt að innganginum að helli drekans Smaug.
The Hobbit: The Desolation of Smaug kemur í bíó í Bandaríkjunum 13. desember en 27. desember á Íslandi.