Nektarsenurnar voru frelsandi

Carey Mulligan segir að nektarsenur hafi hjálpað sér að yfirstíga eigið óöryggi varðandi  líkamann sinn.

The Great Gatsby-leikkonan segir það hafa verið frelsandi að vera nakin í atriðum með Michael Fassbender í myndinni Shame.

„Í einkalífi mínu er ég mjög feiminn varðandi líkamann minn, eða að minnsta kosti hér áður fyrr,“ sagði Mulligan við The Sun. „Ég er alltaf að hylja líkamann í staðinn fyrir að vera í fötum sem sýna holdið. Ég lít ekki vel út í mjög stuttum pilsum, alla vega finnst mér það ekki.“

Þrátt fyrir að hafa verið stressuð að þurfa að fækka fötum í Shame segir hún það hafa verið mikilvægt fyrir hlutverkið en hún lék systur persónu Fassbender í myndinni.

„Að vera nakin í Shame var í raun og veru mjög frelsandi fyrir mig og það hjálpaði mér að glíma við eigið óöryggi vegna líkamans.“

Hin 27 ára Mulligan leikur á móti Leonardo DiCaprio í hinni væntanlegu The Great Gatsby. Hún segir draum hafa ræst með því að vinna með honum. „Hann er einn besti leikarinn í bransanum.“