Freeman og Colley-Lee skilin


Stórleikarinn Morgan Freeman og eiginkona hans eru formlega skilin, en dómari í Tallahatchie County hefur úrskurðað endanlegra í málinu.
„Þessu lauk án réttarhalds,“ sagði William R. Wright, lögmaður Freemans, í samtali við AP fréttastofuna. „Það eru allir ánægðir með að þessu sé lokið.“
Freeman og nú fyrrum eiginkona hans Myrna Colley – Lee, skildu að borði og sæng í desember árið 2007 eftir 26 ára hjónaband.
Wright sagði að bæði Freeman og Colley-Lee búi í Tallahatchie County í norður Mississippi þar sem Freeman býr á búgarði nálægt Charleston.
Colley-Lee er búningahönnuður fyrir leikhús og kvikmyndaiðnaðinn.
Kay Farese Turner, lögmaður Colley-Lee, sagði við þetta tilefni að báðum aðilum væri nú létt, og allir væru ánægðir með samninginn.
Turnes sagði að Colley-Lee hefði ákveðið að búa áfram í Mississippi þar sem hún hefur starfað mikið í skólum á svæðinu og við hin og þessi listaverkefni.
„Hún á mikið af vinum hér og hún hefur ákveðið að búa hér áfram.“
Hjónin fyrrverandi giftu sig 16. júní árið 1984.
Morgan Freeman er 73 ára. Hann vann óskarsverðlaunin fyrir leik sinn í myndinni Million Dollar Baby. Hann hefur leikið í myndum eins og The Dark Knight, Bruce Almighty, The Shawshank Redemption og Driving Miss Daisy.

Freeman og Colley-Lee á góðri stundu.