The Conjuring 2 gerist í London – Tökur hafnar

Tökur eru hafnar í Los Angeles á hryllingsmyndinni The Conjuring 2 með leikstjórann James Wan aftur á sínum stað. James Wan Vera Farmiga_The_Conjuring

Vera Farminga og Patrick Wilson munu endurtaka hlutverk sín sem Lorraine og Ed Warren sem ferðast til norðurhluta Lundúna til að hjálpa einstæðri móður sem elur upp fjögur börn í andsetnu húsi. Frances O´Connor mun leika móðurina.

Málið sem um ræðir er byggt á sannsögulegum atburðum og hefur verið kallað „Enfield Poltergeist“. Það átti sér stað í hverfinu Enfield á Englandi seint á áttunda áratugnum.

The Conjuring sló rækilega í gegn árið 2013. Hún kostaði aðeins 20 milljónir dala en halaði inn 180 milljónir dala í miðasölunni um heim allan, þar af 137 milljónir í Norður-Ameríku.

The Conjuring 2 er væntanleg í bíó í júní á næsta ári.