Ástríður 2 – „hlátrasköllin óma“

Samlestur á annarri seríu af sjónvarpsþáttunum Ástríður er hafinn en þessi tíu þátta sjónvarpssería fer í loftið á Stöð 2 í vor. Samlestrar hafa verið haldnir í Sagafilm síðustu daga og hafa hlátrasköllin ómað um fyrirtækið, að því er fram kemur í tilkynningu frá Sagafilm sem framleiðir þættina fyrir Stöð 2. „Þessi sería lofar því afskaplega góðu,“ segir í tilkynningunni.

Fyrsta serían af Ástríði sló rækilega í gegn og var tilnefnd til fjölda verðlauna á Edduverðlaununum árið 2010, meðal annars sem leikna sjónvarpsefni ársins. Þá var leikkonan Ilmur Kristjánsdóttir, sem túlkar aðalpersónuna Ástríði, tilnefnd sem leikkona ársins í aðalhlutverki.

Tökur á nýju seríunni hefjast í janúar og eru sömu aðalleikarar í þessari seríu og þeirri síðustu. „Ilmur glæðir hina klaufsku en skemmtilegu Ástríði lífi en með önnur hlutverk fara meðal annars Þóra Karítas Árnadóttir, Kjartan Guðjónsson, Rúnar Freyr Gíslason og Hilmir Snær Guðnason.“

 

Silja Hauksdóttir leikstýrir Ástríði, en hún leikstýrði einnig fyrstu seríunni sem og kvikmyndinni Dís sem kom út árið 2004.

Hér fyrir neðan er stikla úr fyrri seríunni:

Í þessari nýju seríu starfar Ástríður enn innan fjármálageirans og ástarmál hennar spila sem fyrr stórt hlutverk. Hún lendir í óborganlegum aðstæðum og nær auðvitað að koma sér í einhver vandræði eins og henni einni er lagið.

 

Ástríður 2 – "hlátrasköllin óma"

Samlestur á annarri seríu af sjónvarpsþáttunum Ástríður er hafinn en þessi tíu þátta sjónvarpssería fer í loftið á Stöð 2 í vor. Samlestrar hafa verið haldnir í Sagafilm síðustu daga og hafa hlátrasköllin ómað um fyrirtækið, að því er fram kemur í tilkynningu frá Sagafilm sem framleiðir þættina fyrir Stöð 2. „Þessi sería lofar því afskaplega góðu,“ segir í tilkynningunni.

Fyrsta serían af Ástríði sló rækilega í gegn og var tilnefnd til fjölda verðlauna á Edduverðlaununum árið 2010, meðal annars sem leikna sjónvarpsefni ársins. Þá var leikkonan Ilmur Kristjánsdóttir, sem túlkar aðalpersónuna Ástríði, tilnefnd sem leikkona ársins í aðalhlutverki.

Tökur á nýju seríunni hefjast í janúar og eru sömu aðalleikarar í þessari seríu og þeirri síðustu. „Ilmur glæðir hina klaufsku en skemmtilegu Ástríði lífi en með önnur hlutverk fara meðal annars Þóra Karítas Árnadóttir, Kjartan Guðjónsson, Rúnar Freyr Gíslason og Hilmir Snær Guðnason.“

 

Silja Hauksdóttir leikstýrir Ástríði, en hún leikstýrði einnig fyrstu seríunni sem og kvikmyndinni Dís sem kom út árið 2004.

Hér fyrir neðan er stikla úr fyrri seríunni:

Í þessari nýju seríu starfar Ástríður enn innan fjármálageirans og ástarmál hennar spila sem fyrr stórt hlutverk. Hún lendir í óborganlegum aðstæðum og nær auðvitað að koma sér í einhver vandræði eins og henni einni er lagið.