Cameron ekki hrifinn af The Force Awakens

James Cameron var ekki eins heillaður af Star Wars: The Force Awakens og flestir aðrir.

Star Wars: The Force AwakensPh: Film Frame©Lucasfilm 2015

Í nýlegu viðtali sem leikarinn Keely Stinner setti á Youtube hafði Avatar-leikstjórinn þetta að segja:

„Ég vil ekki segja of mikið vegna þess að ég ber mikla virðingu fyrir JJ Abrams. En mér fannst vera meira af framsæknu, sjónrænu efni í myndunum frá George Lucas,“ sagði Cameron í frétt Metro.

„The Force Awakens snerist meira um að halda sig við hluti sem þú hafðir séð áður og persónur sem þú hafðir séð áður.“

Hann bætti við: „Það verður áhugavert að sjá í hvaða átt þeir fara með næstu mynd.“

Áttunda Star Wars-myndin er væntanleg í bíó á næsta ári.