Bond kominn með bílpróf

Njósnarinn 007 hefur kannski leyfi til að drepa en James Bond þurfti engu að síður að taka bílpróf til að geta ekið um götur New York.

Bond, eða réttara sagt leikarinn Daniel Craig, er fluttur til Manhattan í New York með eiginkonu sinni, leikkonunni Rachel Weisz. Til að geta ekið um nýju heimkynni sín þurfti hann að sækja ökunámskeið, samkvæmt blaðinu The Independent. Þetta námskeið þurfa allir  útlendingar að gangast undir ef þeir vilja aka um götur New York, sama hvort þeir heita James Bond eða ekki.