Shia LaBeouf slasaðist á tökustað

shiaThe Nymphomaniac leikarinn Shia LaBeouf er sagður hafa slasast á höfði og höndum við tökur á kvikmyndinni American Honey, þegar verið var að taka upp atriði þar sem persóna hans fer í gegnum glerglugga.

LaBeouf var fluttur á sjúkrahús í Norður Dakota í gær miðvikudag, þar sem gert var að sárum hans, samkvæmt The Independent sem hefur fréttina eftir TMZ fréttasíðunni.

Talsmaður leikarans staðfesti atvikið í samtali við fréttasíðuna.

Saumuð voru 20 spor í leikarann og hann heftaður saman með 13 heftum. Hann fékk að fara heim af spítalanum fljótlega eftir aðhlynninguna.

Búist er við að leikarinn haldi áfram í tökum í dag, fimmtudag.