Courtney Love efast um að kvikmynd um ævi hins sáluga Kurt Cobain verði nokkru sinni gerð.
Love og Cobain, söngvari Nirvana, gengu í hjónaband í febrúar 1992 og eignuðust dótturina Frances Bean í ágúst sama ár. Tæpum tveimur árum síðar framdi Cobain sjálfsvíg.
„Ég veit að Universal vill gera myndina. En það yrði skrítið að gera mynd um mig og Kurt ef ég myndi ekki leika sjálfa mig. Það yrði alltof skrítið,“ sagði Love við Huffington Post.
Hún bætti við að Universal hefði lagt til að annað hvort Scarlett Johansson eða Michelle Williams myndu leika hana en án árangurs.