Fréttamaðurinn Sam Rubin lenti í afar vandræðalegum aðstæðum þegar hann ruglaði Samuel L. Jackson saman við Laurence Fishburne á meðan sá fyrrnefndi var í viðtali hjá honum.
Myndbandið er eins vandræðalegt og gæti hugsast. Rubin byrjaði á því að spyrja Jackson um Superball-auglýsingu sem Fishburne lék í á dögunum. Eftir það var ekki aftur snúið, og fór Rubin í keng þegar Jackson svaraði honum „Ég er ekki Laurence Fishburne! Við erum ekkert líkir“.
Rubin reyndi svo að snúa aftur að viðtalinu en Jackson gaf honum engan grið. Jackson var upprunalega í viðtali til þess að tala um nýju Robocop-myndina og þegar Rubin reyndi að færa viðtalið að myndinni þá svaraði Jackson einfaldlega „Ó, virkilega?“.
Meðfylgjandi er viðtalið vandræðalega.