Kvikmynd um ævi Freddie Mercury, fyrrum söngvara Queen, kemur á hvíta tjaldið í byrjun árs 2014. Tökur eiga að hefjast næsta vor og mun Borat-stjarnan Sacha Baron Cohen fara með hlutverk söngvarans sáluga. Þetta staðfesti Brian May, gítarleikari hljómsveitarinnar, á heimasíðu sinni.
Nokkur vandræðagangur hefur verið á myndinni og hafa alls kyns viðræður verið í gangi vegna samningamála. Núna hefur verið leyst úr flækjunni og allt er að verða klárt fyrir tökurnar.