Gæludýrin segja honum að myrða

Ryan Reynolds fer með aðalhlutverkið myndinni The Voices. Fyrsta stiklan var opinberuð í dag og er myndin greinilega uppfull af kolsvörtum húmor.

The Voices fjallar í stuttu máli um mann sem býr með hundi sínum og ketti. Maðurinn á greinilega við geðræn vandamál að stríða og heldur að dýrin tali við sig. Til að bæta gráu ofan á svart þá segja gæludýrin honum að myrða kvennmenn sem hann er hitta og þá byrja vandræðin fyrir alvöru.

the-voices

Myndin er leikstýrð af Marjane Satrapi, en hún hefur m.a. gert teiknimyndina Persepolis sem fjallaði um unga stelpu í Íran í miðju stríði þar í landi.

Reynolds er um þessar mundir að undirbúa sig að endurtaka hlutverk sitt sem Deadpool í samnefndri mynd, en hann lék einmitt sama hlutverk í X-Men Origins: Wolverine, frá árinu 2009.

Hér að neðan má sjá fyrstu stikluna úr The Voices.