Vill ekki deyja aleinn í geimnum

Fyrsta plakatið hefur verið birt fyrir vísindaskáldsöguna Passengers, með þeim Jennifer Lawrence og Chris Pratt í aðalhlutverkum. Leikstjóri er Morten Tyldum ( The Imitation Game ), en margir bíða spenntir eftir þessari mynd sem frumsýnd verður hér á landi á Jóladag, 26. desember nk.

Söguþráðurinn er í stuttu máli þessi: Svefnklefar geimskips á leiðinni á fjarlæga landnámsplánetu með þúsundir manna innanborðs, bilar með þeim afleiðingum að einn farþegi vaknar 60 árum of snemma.

Hann sér fram á einmanalegt líf og ákveður því að vekja annan farþega, svo hann eldist ekki og deyji aleinn úti í geimnum.

Aðrir helstu leikarar eru Michael Sheen, Laurence Fishburne og Aurora Perrineau.

Sjáðu plakatið hér fyrir neðan:

Passengers-600x975