Við sögðum frá því í morgun að Guillermo del Toro sé að undirbúa myndina Dark Universe, en nýjasta myndin hans er hinsvegar heimsenda-skrýmslatryllirinn Pacific Rim.
Við sýndum fyrstu stikluna í síðasta mánuði, en nú er komin ný stikla, sem bætir fáeinum bardagaatriðum við þá fyrri:
Söguþráður myndarinnar er þessi: Þegar flokkar risastórra skrímsla, sem ganga undir nafninu Kaiju, byrja að rísa upp úr sjónum, þá hefst stríð sem gæti kostað milljónir mannslífa og auðlindir jarðarinnar um alla framtíð.
Til að berjast gegn Kaiju, þá eru búin til sérstök vopn; tröllaukin vélmenni, sem kallast Jaegers,sem er stjórnað samtímis af tveimur mönnum, en heilar þeirra eru tengdir saman með sérstakri taugabrú.
En Jaegers vélmennin eru harla máttlaus gagnvart hinum hrikalegu Kaiju, og nú er svo komið að heimurinn er á heljarþröm, og uppgjöf virðist vera óumflýjanleg. Síðasta von mannkyns er að leita til tveggja fremur óvenjulegra hetja, fyrrum flugmanns og óreynds manns í þjálfun, en saman stýra þeir goðsagnakenndum en eldgömlum Jaeger.
Nú eru þeir þeir einu sem geta bjargað mannkyni frá yfirvofandi heimsendi.
Pacific Rim kemur í bíó í Bandaríkjunum 12. júlí 2013.