Stikla í fullri lengd fyrir ævintýramyndina Oz the Great and Powerful er komin út og má sjá hér að neðan, en í fyrradag sýndum við nokkrar myndir úr myndinni.
Myndin er fjallar um uppruna Galdrakarlsins í Oz og er forsaga hinnar sígildu sögu um Galdrakarlinn í Oz. Þegar Oscar Diggs, sem er lítt þekktur sirkus töframaður með annarlegt siðgæði, er sviptur á brott frá Kansas og til landsins Oz, þá heldur hann að hann hafi dottið í lukkupottinn, eða þar til hann hittir þrjár nornir, Theodora, Evanora og Glinda, sem eru ekki vissar um að hann sé sá mikli töframaður sem allir hafa verið að bíða eftir. Oscar dregst nú óviljandi inn í gríðarleg vandamál sem steðja að Oz og íbúum þess, og Oscar þarf að finna út úr því hver er góður og hver er illur, áður en það verður um seinan. Hann þróast út í að verða hinn mikli Töframaður í Oz, en breytist einnig um leið í betri manneskju.
Leikstjóri myndarinnar er Sam Raimi, og James Franco leikur galdrakarlinn.
Myndin kemur í bíó í mars á næsta ári.
