Hilmir vill ekkert kjaftæði

Nýtt „persónuplakat“ af Hilmi Snæ Guðnasyni í hlutverki Ívars, yfirmanns sérsveitarinnar, úr íslensku spennumyndinni Borgríki II -Blóð hraustra manna, var frumsýnt á Vísir.is í vikunni, en eins og kemur fram í frétt Vísis er von á fimm slíkum plakötum til viðbótar á næstunni.

hilmir snær

Eins og segir í fréttinni þá er Ívar harður nagli, laganna vörður í húð og hár og líður ekkert kjaftæði.

Borgríki II – Blóð hraustra manna er sjálfstætt framhald kvikmyndarinnar Borgríki sem kom út síðla árs 2011. Í helstu hlutverkum auk Hilmis eru Darri Ingólfsson, Ágústa Eva Erlendsdóttir, Ingvar E. Sigurðsson, Sigurður Sigurjónsson og Zlatko Krickic.

Leikstjóri er Olaf de Fleur, eða Ólafur Jóhannesson eins og hann heitir öðru nafni.

Hér fyrir neðan má sjá sýnishorn úr myndinni en hún verður frumsýnd í október.