Hrakningasaga og Hin ótrúlegu 2 í nýjum Myndum mánaðarins

Júníhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í júnímánuði, sem og nýjum myndum sem gefnar verða út á DVD, Blu-ray og/eða VOD í mánuðinum.

Á forsíðum blaðsins eru tvær myndir sem margir hafa beðið eftir með mikilli eftirvæntingu – annarsvegar teiknimyndin Hin Ótrúlegu 2, framhald hinnar gríðarlega vinsælu The Incredibles frá árinu 2004, og hins vegar er það nýjasta kvikmynd Baltasars Kormáks, Adrift, en þar er sögð ótrúleg hrakningasaga pars á opnu úthafi.  Hin Ótrúlegu 2 koma í bíó 20. júní, en Adrift kemur á hvíta tjaldið viku fyrr, eða 13. júní.

Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.

Smelltu hér til að lesa Myndir mánaðarins á kvikmyndir.is