Þær fregnir voru að berast að tónlistarmaðurinn ungi, Justin Bieber, væri kominn með nýja hágreiðslu. Frá þessu er sagt á vefsíðunni TMZ.com
Söngvarinn sem er 16 ára gamall þurfti að láta breyta heimsfrægri hárgreiðslu sinni fyrir upptöku á lagi með kántrýsveitinni Rascal Flatts, að því er TMZ segir frá.
Það var að sjálfsögðu einkahárgreiðslukona drengsins, Vanessa, sem sá um umbreytinguna.
Klippingunni er lýst þannig að hárið sé nú stutt í hliðunum og úfið í toppinn.
Bieber hefur þegar tilkynnt um hárgreiðsluna nýju á Twitter síðu sinni þar sem hann sagði: „Ég fór í smá klippingu,“.
„Ég kann vel við hana… við erum að gefa allt hárið til góðgerðarmála. Meira síðar.“ segir á Twitter síðunni.
Nýjasta mynd Justin Bieber, Never Say Never, verður frumsýnd á Íslandi nk. föstudag. Þar verður hann væntanlega enn með gamla lubbann.