Desemberhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í desembermánuði, sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru tvær spennandi kvikmyndir sem margir hafa beðið eftir með mikilli eftirvæntingu – annarsvegar er það ofurhetjumyndin Aquaman, með Jason Momoa í titilhlutverkinu , og hinsvegar er það engin önnur en barnfóstran fljúgandi Mary Poppins í framhaldsmyndinni Mary Poppins Returns, í túlkun Emily Blunt.
Aquaman kemur í bíó 19. desember og Mary Poppins Returns kemur í bíó 26. desember.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.
