Aleinn heima og hræddur við Kevin

banditÞað er fastur liður á mörgum heimilum um jólin að horfa á kvikmyndina Home Alone frá árinu 1990. Í myndinni beitir Kevin litli McCallister ýmsum brögðum þegar innbrotsþjófar hrella hann þegar hann er skilinn einn eftir heima um jólin.

Eins og við sögðum frá á dögunum þá birtist Macaulay Culkin á ný í gervi Kevin McCallister sem fullorðins manns fyrr í þessum mánuði, og rifjaði þar upp gamla takta.

Annar „Blautu bófanna“ úr Home Alone myndinni, Marv, fylltist við þetta mikillli skelfingu, og brást við með því að taka upp myndband og setja á netið þar sem hann kallar á félaga sinn Harry Lime, þar sem hann óttast að Kevin ætli að ná sér niðri á honum í eitt skipti fyrir öll.

Kíktu á myndbandið hér fyrir neðan. Það er Daniel Stern sem fer með hlutverk bófans:

Eins og sést í myndbandinu heldur Marv að Kevin sé í herferð gegn öllum innbrotsþjófum. „Það trúði okkur enginn þegar við sögðum frá strákpjakknum!“ öskrar hann. „Hann beitti mig raflosti, í guðs nafni. Harry, gerðu það – ég er aleinn heima og ég er hræddur.“