Það er óhætt að segja að launahæsti kvikmyndaleikari í heimi, Dwayne Johnson, hafi mörg járn í eldinum á hverjum tíma, og nú styttist í að tökur á framhaldi ( ekki endurgerð ) Robin Williams myndarinnar Jumanji hefjist á Hawaii.
Johnson er duglegur að nota samfélagsmiðla til að minna á öll hin fjölbreytilegu verkefni sem hann tekur þátt í og svo er einnig með Jumanji.
Nú síðast birti hann mynd á Instagram síðu sinni þar sem má sjá hvernig persóna hans í myndinni mun líta út, Dr. Bravestone. Við fyrstu sýn minnir þetta á Indiana Jones, það eina sem vantar er svipan!
Í myndinni verður haldið áfram með söguna sem sögð var í upprunalegu myndinni frá árinu 1995. Aðrir helstu leikarar eru grínistinn Kevin Hart, sem lék með Johnson nýlega í Central Intelligence, Jack Black, Nick Jonas og Karen Gillan,
Frumsýning er áætluð 28. júlí á næsta ári.