Fyrsta stiklan er komin út fyrir þrívíddar -tónleikamyndina um strákahljómsveitina vinsælu One Direction. Vinsældir hljómsveitarinnar eru slíkar að á fyrstu 12 klukkustundunum eftir að stiklan birtist á YouTube vídeóvefnum í gær, höfðu tvær milljónir manna horft á hana.
One Direction samanstendur af þeim Niall Horan, Zayn Malik, Liam Payne, Harry Styles og Louis Tomlinson, en það er sjálfur X-Factor dómarinn Simon Cowell sem tók þá undir sína arma eftir að drengirnir kepptu í X-factor í Bretlandi árið 2010.
Leikstjóri myndarinnar er enginn annar en Supersize me-leikstjórinn Morgan Spurlock.
Sjáðu stikluna hér að neðan:
Myndin verður frumsýnd 30. ágúst nk.