Tökur á Ted 2 að hefjast

Tökur á gamanmyndinni Ted 2 hefjast í Boston og nágrenni síðar í þessum mánuði. ted

Á vefsíðunni OnLocationVacations.com kemur fram að húsnæði fyrir framleiðsluna sé klárt í borginni og að tökur á framhaldsmyndinni hefjist 21. júlí.

Einnig er verið að byggja hlöðu í bænum Ipswich í Massachutsetts, sérstaklega fyrir myndina og þar verða tekin upp atriði fyrir myndina í tvær vikur frá og með 20. ágúst næstkomandi.

Mark Wahlberg og Amanda Seyfried leika í Ted 2. Wahlberg og Mila Kunis voru í aðalhlutverkum í fyrri myndinni sem græddi 50 milljónir dala í miðasölunni um opnunarhelgina árið 2012.