TMNT: Megan Fox leikur April O'Neil

Michael Bay, framleiðandi nýjustu Turtles myndarinnar skrifaði á heimasíðuna sína í gær „TMNT: we are bringing Megan Fox back into the family!“ og brá mörgum Bay og Turtles aðdáendum við þessa staðhæfingu.

Það var mikið fjaðrafok þegar Bay dró Fox út úr Transformers þríleiknum og hafa þau skotið fast á hvort annað seinustu mánuði, svo virðist sem þau hafa grafið stríðsöxina og mun Fox leika April O’Neil sem er klassísk söguhetja úr sögunum um skjaldbökurnar fimu.

Það er enn óvitað hvort titill myndarinnar verði Teenage Mutant Ninja Turtles eða einfaldlega Ninja Turtles og er framleiðsla á byrjunarstigi. Áætlað er að tökur hefjist eftir fáeina mánuði og hefur leikstjórinn Jonathan Liebesman tekið að sér verkefnið.