Bay tekur að sér uppvakninga og vélmenni

Uppvakninga- og vélmennaæðið í Hollywood virðist engan enda ætla að taka, en Sony-kvikmyndaverið hefur tryggt sér kvikmyndaréttinn á myndasögunni Zombies vs Robots frá IDW. Hafin er vinna á handriti sem byggð verður á myndasögunni, en vinnuheiti þess er Inherit the Earth. Mun sagan fjalla um unga stelpu sem er ein eftirlifandi á jörðinni eftir að uppvakningar þurrka út mannkyninu. Á meðan gangandi líkin þróast og verða gáfaðari kynnist stelpan hópi vélmenna sem taka það að sér að vernda hana gegn skrímslunum.

Ofurleikstjórinn Michael Bay mun framleiða myndina en hann hefur næga reynslu með vélmennum til að fá eitthvað þrælskemmtilegt út úr þessu.

– Bjarki Dagur