Ímyndið ykkur 1% heilastarfsemi

Nýjasta útspil Universal kvikmyndaversins til að kynna gamanmyndina Dumb and Dumber To, framhald hinnar goðsagnakenndu Dumb and Dumber, er sláandi líkt markaðsefninu sem notað var til að kynna nýju Luc Besson myndina Lucy, sem er með Scarlett Johanson í titilhlutverkinu.

dumb-and-dumber-to1

Aðalleikarar Dumb and Dumber To, þeir Jim Carrey og Jeff Daniels, eru komnir í staðinn fyrir Johansen á nýjum plakötum þar sem slagorði Lucy er snúið á haus.

BvGXBHUCYAAR_dP

Í Lucy tekur aðalpersónan inn lyf sem gefur henni aðgang að 100% af heila sínum, en aðalpersónur Dumb and Dumber To þurfa greinilega eitthvað minna eins og segir á plakötunum nýju: „Hinn almennir maður notar 10% af heila sínum,“ stendur á plakötunum. „Ímyndið ykkur hvað hann gæti gert við 1%.“

BvFa-VQIAAAxaLi

Dumb and Dumber To er leikstýrt af Bobby og Peter Farrelly, og segir frá þeim félögum Harry og Lloyd og leit þeirra að barni sem Harry vissi ekki að hann ætti.

Myndin kemur í bíó 14. nóvember nk.