Cruise og Pegg mættir í tökur MI6

Tökur á hasarmyndinni Mission: Impossible 6 standa nú yfir á ný, en svo virðist sem Tom Cruise hafi náð sér af meiðslum sem hann varð fyrir fyrr á þessu ári, sbr. neðangreint myndband:

Leikstjóri og handritshöfundur myndarinnar, Christopher McQuarrie, hefur nú birt splunkunýja ljósmynd af Cruise og meðleikara hans, Simon Pegg, sem segir okkur þó lítið um kvikmyndina sjálfa, en er þó ágætis staðfesting á því að menn séu komnir í fullan gang á ný, þannig að hægt verði að frumsýna kvikmyndina á næsta ári.

A post shared by Christopher McQuarrie (@christophermcquarrie) on

Tom Cruise er nú orðinn 55 ára, og virðist ekkert gefa eftir í hasarmyndunum, enda í fantaformi.

Aðrir helstu leikarar í myndinni eru Henry Cavill, Rebecca Ferguson, Vanessa Kirby, Sean Harris og Alec Baldwin. Stefnt er að frumsýningu kvikmyndarinnar 3. ágúst næsta sumar hér á Íslandi.