Hin Óskarstilnefnda leikkona Julianne Moore hefur hreppt hlutverk fyrrum varaforsetaefnis repúblikanaflokksins, og fyrrum ríkisstjóra Alaska, Söruh Palin, í sjónvarpsmyndinni Game Change sem framleidd er fyrir HBO sjónvarpsstöðina bandarísku.
Myndin, sem leikstýrt verður af Jay Roach, er byggð á bók Mark Halperin og John Heilemann um forsetakosningarnar í Bandaríkjunum árið 2008, en Palin bauð sig þar fram sem varaforsetaefni John McCain gegn Barrack Obama Bandaríkjaforseta.
Moore og Palin eru á öndverðum meiði í pólitík. Moore hefur opinberlega stutt málefni á vinstri væng stjórnmálanna, en Palin er þekktur hægrimaður og þykir íhaldssöm í skoðunum.