Penn, Gosling og Brolin í Gangster Squad?

Nýjustu fréttir herma að kvikmyndaverið Warner Bros. sé nú í viðræðum við þá Sean Penn, Ryan Gosling og Josh Brolin í tengslum við kvikmyndina Gangster Squad. Myndin er byggð á víðamikli grein sem birt var í sjö hlutum í LA Times.

Greinin, eftir Paul Lieberman, fjallaði um aðgerðir lögreglunnar í Los Angeles árið 1940 til að berjast gegn spillingu og skipulagðri glæpastarfsemi. Þónokkrir leikstjórar höfðu verið orðaðir við myndina áður en Ruben Fleischer, sem leikstýrði Zombieland, fékk starfið.