Frozen 2 og Last Christmas í nýjum Myndum mánaðarins

Nóvemberhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í nóvembermánuði. Einnig er þar að finna upplýsingar um nýjar myndir sem gefnar verða út á DVD, Blu-ray og/eða VOD í mánuðinum.

Anna, Elsa og Ólafur mæta til leiks á ný, sem og jólamyndin Last Christmas.

Á forsíðum blaðsins eru tvær afar spennandi en ólíkar kvikmyndir, sem margir hafa beðið eftir með mikilli eftirvæntingu. Annarsvegar er það framhald hinnar geysivinsælu Disneyteiknimyndar Frozen, Frozen 2, og hinsvegar er það jólamyndin Last Christmas með Emilia Clarke úr Game of Thrones og Henry Golding úr Crazy Rich Asians í aðalhlutverkum.

Frozen 2 verður frumsýnd 22. nóvember, en Last Christmas kemur í bíó 8. nóvember.

Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.

Smelltu hér til að lesa Myndir mánaðarins á kvikmyndir.is